Посебно пакување на подароците

Каkо да ги завиткате подароците коишто сте ги купиле за оние кои Ви се најблиски?

Бидете креативни и не купувајте ќесички за подароци, туку направете ги сами. Треба само малку време и трпение.Подароците коишто ќе ги спакувам сега се: книга, чоколадни бонбони и чај во кутија.

Избрав светла кремова хартија за завиткување којашто изгледа многу отмено и нежно. Хартијата ја искомбинирав со бела лента за украсување од нежен материјал.

Чоколадните бонбони ги завиткав и лентата ја намотав низ целата површина. Потоа декорирав со меко бело срце и две монистра.

Книгата ја завиткав, исто така, на класичен начин, а ја декорирав со ѕвезда и едно дрвено плоснато кругче.

Чајот го завиткав со хартијата и лентата ја намотав низ целата површина. Завршив со дрвен лозов лист којшто го залепив на хартијата. Елегантно и отмено!

Дом и Стил
28. ное 2010
променето 21. јан 2011

Посебно пакување на подароците

Категории

Последно додадени

Последни кометари